Kuri uyu wa gatatu taliki ya 11 Nzeri 2019 mu Karere ka Gatsibo mu murenge wa Kiramuruzi hatangijwe gahunda yo gusuzuma indwara y'umwijima (Hepatite C).

Iyi gahunda yatangijwe na Minisitiri w'Ubuzima Dr Diane Gashumba arikumwe na Guverineri w'Intara y'Iburasirazuba Mufulukye Fred n'Abafatanyabikorwa muri gahunda z'ubuzima

Ubutumwa bwatanzwe na Minisitiri w'Ubuzima yasabye abaturage b'Akarere ka Gatsibo kwitabira igikorwa cyo kwisuzumisha indwara y'umwijima (Hepatite C) mu gihe cy'iminsi 10 yateganyijwe na Minisiteri y’ubuzima

Minisitiri w’ubuzima yavuze ko umuti w’indwara y’umwijima( Hepatite C) uri ku bihumbi 60 uvuye kuri Miriyoni 80 z'amafaranga y'uRwanda.Yavuze ko gahunda yo gusuzuma no gufata urukingo rwa Hepatite C yasabwe na Nyakubahwa Prezida wa Repubulika Paul Kagame gukorerwa abanyarwanda bose

Dr Diane Gashumba,Minisitiri w’ubuzima yabwiye abaturage b’Akarere ka Gatsibo Umurenge wa Kiramuruzi ko umuti wa Hepatite C ufatwa n'Umurwayi mu gihe cya amezi 3 gusa agakira

Guverineri w'Intara y'Iburasirazuba Mufulukye Fred yashimye Ubuyobozi bukuru bw'Igihugu bwita ku baturage mu rwego rwo kuzamura imibereho myiza n'iterambere ryabo.Yavuze ko Intara y’iburasirazuba izakomeza gukurikirana imigendekere myiza y’iyi gahunda kugeza isoje

Gahunda yo gutangiza igikorwa cyo kwisuzumisha indwara ya Hepatite C yitabiriwe n'inzego zitandukanye zirimo: Minisitiri w'Ubuzima,Guverineri w'Intara y'Iburasirazuba,Umuyobozi Mukuru w'Ikigo cya RBC,abafatanyabikorwa ba Minisiteri y'Ubuzima,inzego z'Umutekano, abayobozi bungirije bashinzwe imibereho myiza y’abaturage b'Uturere tw'Intara y'Iburasirazuba n’abaturage